حزب الله رجال

موضوع: حزب الله رجال الأحد سبتمبر 02, 2007 10:05 pm

حزب الله رْجالْ
حـزب الله رجـــــالْ قلوبهم كي الصخرهْ
هـــدرتـهــم أفــعــال و هدرتكم هـــــدره
شكون الداب لي قال اداونــا لــلــحــفـره
بــغــى راحة الـبال وا لــعــيــشـــه المُره
شــارب و وكــــال وهـاني كي الـبـقره
بــركـاك مــالتطبال يــا قــلــب الــعذرا
يــاخـي ربــي قــال إيــذا كــنـــت تقرا
ميات تراس مختال يـــغــلـبوهم عشره
مــاشــي بــالتكسال قــدام الــنــــشــره
بــصـــح بــالنضال ولـيـمـان بـلاخـره
***
إسـرائـيــل نــــذال قلوبهم كي الحجره
تــربــاو عــتــبدال و لخــدع و لـغدره
تـــســـالمــهم محال تقول حضنت جمره
لــي بـــغى لستقلال لازمــلـــو الـثـوره
والــجـرح إيذا طال بــالــكــيــه يــبـرا
***
حــزب الله أبــطـال و نصر الله بــشره
فــارس وخــيــــال يــكــره الــحــقـره
عــربــي ولد حلال خــزرتـــو خزره
كـــي هـــدد وقـــال غـــضــبتي حمره
لـــيـهـــود لـــجهال حــــطـوها قصره
حــتــى جا الزلزال و داتــهـُـمْ السكره
حــيــفـــا في لهوال و طــبْريـه صحرا
و تـل أبيب ف لبال قريبه على شعره
غـــيــر يزيد لهبال و يشوفو واش يصرا
بدا الضرب ومازال هــذي غــيـر قطره
بــربي ذو الــجــلال عــظــيـــم الـــقدره
جــهــادنــا يـسـهـال يــخــتــم بالنصره